لاقو
12-30-2006, 05:15 PM
شلش العراقي.......كاتب مميز يمّثل آمال العراقيين البسيطة ويصور احداث الشارع العراقي ويستخدم اسما مستعارا ويكتب كتاباته من الصبح ويه استكان الشاي, ولكل اللي مَيعرفه حبيت اعرفكم بي واحط وحدة من مقالاته ...اتمنالكم قراءة ممتعة .
صباح الخير يا بغداد
كتابات : شلش العراقي
بلا منافس الشتاء أجمل الفصول ، لا ربيع ولا خريف ولا الصيف السخيف.اليوم الجو مو طبيعي ..لسعات برد لذيذة وإطلالة صباح بهيج..الله ياشتاء بغداد الله يا صباحات بغداد,,
إذن الى الباب المعظم يا شلش ،هكذا عندما يحاصرني الشتاء فليس سوى الباب المعظم وشاي الباب المعظم وضجيج الباب المعظم وكل جمال الباب المعظم ...في شتاء الباب المعظم لفيروز نكهة ملائكية ..وللمطر عرس سماوي
ما هذا يا شلش كيف أصبح الباب المعظم بمياهه الآسنة وسياراته القديمة وهورنات السواق وصراخهم وشحاذيه وقفاصيه جميلا ؟
لا تستعجلون، القصة مو هنا أخوان :،القصة أبعد مما تتصورون .اكَعدوا خل احجيلكم ....
في الباب المعظم يوجد مجمع الكليات ، وفي مجمع الكليات توجد كلية اللغات ،وفي كلية اللغات هناك قسم اللغة الاسبانية ، وفي قسم اللغة الاسبانية صاحبتي ، وصاحبتي مِن تخلّص دوام تتمشى للكراج وبالكراج نلتقي ومن نلتقي طبعا راح تكول والله مستعجلة وبابا ينتظرني وماما كَالت لاتتاخرين، بس هاي وين تصّرف وية شلش لا يابا لا .....ورا شوية ومنشوف نفسنا إلا بالوزيرية ودك حب وغراميات والبارحة ما نمت ، والعيد مو عيد لان ما شفتج بي ، وعلمني حبك وزيدني عشقا والله واحشني موت وكلها ربع ساعة و إستاد شلش وحبيبته بكافتريا الخضراء,,,
المشكلة أيها السيدات والسادة ،انني تذكرت إبّاب الكافتريا انه لازم نفلت قبل الغدة لان أخوكم مفلس و حتى موبايلي ما بي رصيد ..وخاف الحاته تطلب كوكتيل لو تكول جوعانه فد سندويج.. وتعال يا عمي خلصنه ..
المهم هاي مو أول مرة أتصير بالخضراء..بس عيب ورا العيد مباشرة أكلهم بالدَين ..والله عيب هاي مصايرة ..شلش والله فضحتنه .
كعدنا بالزاوية واشتغلت رحمة الله.. الحب والعذاب واللوعة والسهروحابسني برات النوم والفراق والبعد ولا لا تتنهد والفارق الاجتماعي ، هي من المأمون وشلش من الثورة داخل وهي من الجماعة وشلش شيعي، وعمها بزمن الملكية كان وزيرا وعم شلش كان (نايب عريف ) وأمها طبيبة بالهلال الأحمر وأم شلش اليوم طابخة فاصولية ومشاكل ليس لها نهاية ....
* زين والحل؟
* أنتَ تدبر نفسك .
* شسوي ؟
* شيلوا من الثورة .
*إنشيل من الثورة ...وين نروح ؟
* المنصور..الحارثية ..الجادرية..حتى لو السيدية هم ميخالف .
* بابا المنصور غالية والحارثية أغلى والجادرية كلها لغفها السيد .
* ما اعرف شلش .. حتى لو أمي وافقت آني ما اكدر أعيش بالثورة حبيبي حياتي أنت شلون تقبــــــــــــــــل؟
* يابا شبيها الثورة أنتِ شايفتها ؟ والله ياعيني راح يبلطوها..ويزرعوها سيسبان. !!
* لاعمري شلش بصراحة لتزعل مني الثورة مَتنجرع..
* شبيها متنجرع موهاي الناس عايشه ومرتاحة وتنكّز أربعة وعشرين ساعة.
* لا شلــــــــــــــش عفيــــــــــــــــــــــة
أكيد أخوان انتو تعرفون اني بيا حال .. ارتباكي وحيرتي والتفاتاتي.. وادعي بقلبي بلكي يجي صديق ويطلبنّه كَهوة ،عصير أي شيء راح أموت من الإحراج يارب فد صديق . بس مع ذلك ذبيتها عليك يا الله وسألتها.
* حبيبتي ماطلبتي شي ؟
* لا شكرا شلوشي حياتي .. آني صايمة .
* صايمة شنو؟
* والله صايمة شبيك
* شنو رمضان بالمأمون ما خلص ؟ عدنا بالثورة حتى العيد الجبير خلص
* لا شلش آني صايمة ستة شوال .
* ستة شوال شنو..عيد العمال ؟
الحمد لله اجت عدله وطلعت صايمة .. بس شلونها خالي ..أحلى صايمة بالعالم ..اكللكم فوائد الصوم متنعد.. محد يصدكني ..كَمت مترهي ..حاسبت واحد جاي وطلعنه.
وصّلت حبييتي للكراج هي صعدت سيارات المأمون ، واني صبغت حذائي ورجعت أكمل دياحتي حالماً بصباحات اخرى ..صباحات من الحب والسعادة والتسكع ..صباحات منعشة على ارصفة امنة ...
صباح الخير يا بغداد
كتابات : شلش العراقي
بلا منافس الشتاء أجمل الفصول ، لا ربيع ولا خريف ولا الصيف السخيف.اليوم الجو مو طبيعي ..لسعات برد لذيذة وإطلالة صباح بهيج..الله ياشتاء بغداد الله يا صباحات بغداد,,
إذن الى الباب المعظم يا شلش ،هكذا عندما يحاصرني الشتاء فليس سوى الباب المعظم وشاي الباب المعظم وضجيج الباب المعظم وكل جمال الباب المعظم ...في شتاء الباب المعظم لفيروز نكهة ملائكية ..وللمطر عرس سماوي
ما هذا يا شلش كيف أصبح الباب المعظم بمياهه الآسنة وسياراته القديمة وهورنات السواق وصراخهم وشحاذيه وقفاصيه جميلا ؟
لا تستعجلون، القصة مو هنا أخوان :،القصة أبعد مما تتصورون .اكَعدوا خل احجيلكم ....
في الباب المعظم يوجد مجمع الكليات ، وفي مجمع الكليات توجد كلية اللغات ،وفي كلية اللغات هناك قسم اللغة الاسبانية ، وفي قسم اللغة الاسبانية صاحبتي ، وصاحبتي مِن تخلّص دوام تتمشى للكراج وبالكراج نلتقي ومن نلتقي طبعا راح تكول والله مستعجلة وبابا ينتظرني وماما كَالت لاتتاخرين، بس هاي وين تصّرف وية شلش لا يابا لا .....ورا شوية ومنشوف نفسنا إلا بالوزيرية ودك حب وغراميات والبارحة ما نمت ، والعيد مو عيد لان ما شفتج بي ، وعلمني حبك وزيدني عشقا والله واحشني موت وكلها ربع ساعة و إستاد شلش وحبيبته بكافتريا الخضراء,,,
المشكلة أيها السيدات والسادة ،انني تذكرت إبّاب الكافتريا انه لازم نفلت قبل الغدة لان أخوكم مفلس و حتى موبايلي ما بي رصيد ..وخاف الحاته تطلب كوكتيل لو تكول جوعانه فد سندويج.. وتعال يا عمي خلصنه ..
المهم هاي مو أول مرة أتصير بالخضراء..بس عيب ورا العيد مباشرة أكلهم بالدَين ..والله عيب هاي مصايرة ..شلش والله فضحتنه .
كعدنا بالزاوية واشتغلت رحمة الله.. الحب والعذاب واللوعة والسهروحابسني برات النوم والفراق والبعد ولا لا تتنهد والفارق الاجتماعي ، هي من المأمون وشلش من الثورة داخل وهي من الجماعة وشلش شيعي، وعمها بزمن الملكية كان وزيرا وعم شلش كان (نايب عريف ) وأمها طبيبة بالهلال الأحمر وأم شلش اليوم طابخة فاصولية ومشاكل ليس لها نهاية ....
* زين والحل؟
* أنتَ تدبر نفسك .
* شسوي ؟
* شيلوا من الثورة .
*إنشيل من الثورة ...وين نروح ؟
* المنصور..الحارثية ..الجادرية..حتى لو السيدية هم ميخالف .
* بابا المنصور غالية والحارثية أغلى والجادرية كلها لغفها السيد .
* ما اعرف شلش .. حتى لو أمي وافقت آني ما اكدر أعيش بالثورة حبيبي حياتي أنت شلون تقبــــــــــــــــل؟
* يابا شبيها الثورة أنتِ شايفتها ؟ والله ياعيني راح يبلطوها..ويزرعوها سيسبان. !!
* لاعمري شلش بصراحة لتزعل مني الثورة مَتنجرع..
* شبيها متنجرع موهاي الناس عايشه ومرتاحة وتنكّز أربعة وعشرين ساعة.
* لا شلــــــــــــــش عفيــــــــــــــــــــــة
أكيد أخوان انتو تعرفون اني بيا حال .. ارتباكي وحيرتي والتفاتاتي.. وادعي بقلبي بلكي يجي صديق ويطلبنّه كَهوة ،عصير أي شيء راح أموت من الإحراج يارب فد صديق . بس مع ذلك ذبيتها عليك يا الله وسألتها.
* حبيبتي ماطلبتي شي ؟
* لا شكرا شلوشي حياتي .. آني صايمة .
* صايمة شنو؟
* والله صايمة شبيك
* شنو رمضان بالمأمون ما خلص ؟ عدنا بالثورة حتى العيد الجبير خلص
* لا شلش آني صايمة ستة شوال .
* ستة شوال شنو..عيد العمال ؟
الحمد لله اجت عدله وطلعت صايمة .. بس شلونها خالي ..أحلى صايمة بالعالم ..اكللكم فوائد الصوم متنعد.. محد يصدكني ..كَمت مترهي ..حاسبت واحد جاي وطلعنه.
وصّلت حبييتي للكراج هي صعدت سيارات المأمون ، واني صبغت حذائي ورجعت أكمل دياحتي حالماً بصباحات اخرى ..صباحات من الحب والسعادة والتسكع ..صباحات منعشة على ارصفة امنة ...